Kryeministri Rama ka sulmuar sërish sot PD dhe LSI gjatë një takimi me banorët në Xarrë. Rama tha se duan të rrëzojnë ligjin e arsimit të lartë sepse nuk fusin më dot duart dhe nuk bëjnë dot më qoka. “Nuk mund të vazhdojmë me historira partish të vogla që mblidhen në Tiranë dhe kërkojnë të ndajnë shtetin si tepsi”, deklaroi kreu i PS.
“Vetëm ne mund të bëjmë shtet dhe mund të bëjmë punë. Ndaj na duhet vota juaj për një vendim historik”, ka thënë Rama.
“Duan të rrëzojnë ligjin e arsimit të lartë sepse nuk fusin më dot duart dhe nuk bëjnë dot më qoka. Asnjë prind nuk e do ketë për fëmijët e vet. Nëse PS nuk e ka timonin e vetmë do të shantazhohemi. Nuk duhet coptuar vota për ata që pengojnë të bërit shetet. Nuk mund të vazhdojmë me historira partish të vogla që mblidhen në Tiranë dhe kërkojnë të ndajnë shtetin si tepsi. Kërkojnë pushtet për partinë dhe jo shtet. Na duhet vota juaj për një vendim historik. Vetëm ne mund të bëjme shtet dhe punë”, deklaroi Rama.
Kryeministri deklaroi se PS ka autobusin, ndërsa të tjerët kanë karroca
“Autobusin ne e kemi, të tjerët kanë karroca”, tha Rama.
Kryetari i Partisë Socialiste ka sulmuar sot nga Xara e Sarandës kreun e PBDNJ, Vangjel Dule.
Sipas Ramës, Dule është treguar mosmirënjohës ndaj PS dhe sot kandidon nën siglën e PD për një karrige në parlament. Sipas Ramës, Dule është vetëm një nxitësh konfliktesh.
“Si mund t’i jepet votë Vangjel Dules. Vota për Dulen është e komplikuar. Për të votuar atë duhet të kalosh nga PD-ja fillimisht. Nuk e di si do ja bëjnë çamët? Vangjeli është nderuar nga PS, si asnjë minoritar në 27 vjet. Vangjel Dule u dorëhoq si nënkryetar kuvendi se nuk bashkëjetonte dot me çamët. Tani që ky na shfaqet me Dashin e Havasë dhe kërkojnë vota për Republikën e re. Asnjë votë Dules sepse do të ishte vota e një verbërie të pashoq. Nuk më ka ardhur kurrë për të kërkuar një investim ose një zgjidhje për ndonjë problem. Çamët do votojnë Vangjelin që të marrin Dashin dhe minoritarët duhet të votojnë Dashin që të marrin Vangjelin”, tha Rama./javanews/a.ç
