Një autobus i linjës Burrel- Tiranë është aksidentuar duke dalë nga rruga e si pasojë, duke lënë 4 të plagosur. Drejtuesi i mjetit ka humbur kontrollin dhe ka rënë në një kanal buzë rrugë në dalje të qytetit të Burrelit.
Për pasojë 3 persona, M.K, 45 vjeçe, SH.Rr, 42 vjeçe, dhe shtetasi A.H 21 vjeç, kanë pësuar lëndime dhe ndodhen jashtë rrezikut në spitalin e Burrelit.
Shtetasja me inicialet E.H, 52 vjeçare, është dërguar në Tiranë për kurim më të specializuar.
Ngjarja
Rreth orës 12:30 minuta në Sallën Operative të Komisariatit të Policisë Mat ka ardhur një telefonatë se në aksin rrugor Burrel-Tiranë, 300 metra pa shkuar tek “Ura e Karricës” një autobuz me targa AA 058 MY, i kësaj linje me drejtues mjeti shtetasin Y.K , ka humbur kontrollin dhe për pasojë ka dalë nga rruga, në kanalin anësor të rrugës./java/a.k
