Ka shkuar në 48 bilanci i viktimave të aksidentit rrugor në Peru ku një autobus ka rënë nga një pjesë shkëmbore teksa përshkruante një rrugë shumë të ngushtë të njohur si ‘Kthesa e djallit’.
Mjeti në të cilin udhëtonin 57 pasagjerë, ka dalë nga rruga në zonën e Pasamayo pasi u përplas me një kamion.
Autobusi ishte drejtuar në Lima, kur është goditur nga një rimorkio për traktorë duke rënë në det.
Operacioni i shpëtimit. ’Eshtë shumë e trishtueshme të marrim pjesë në një operacion të tillë’ ka deklaruar presidenti peruan Pedro Pablo Kuczynski.
Forcave zjarrfikëse u janë dashur orë të tëra për të shpëtuar të mbijetuarit dhe për të gjetur kufomat, sepse në këtë vend nuk ka rrugë që të çon në plazh.
Policia dhe forcat zjarrfikëse kanë përdorur helikopterët për të transportuar 6 të mbijetuarit me plagë të rënda në spitalet më të afërta.
Tre persona rezultojnë ende të zhdukur dhe po punohet për ti gjetur ato.
Ministri i transportit Bruno Giuffra, ka deklaruar se sipas raporteve paraprake mjetet e përfshira në aksident udhëtonin me shpejtësi të madhe në momentin e aksidentit.
Gjatë vitit 2016 si pasojë e aksidenteve në Peru kanë humbur jetën 2600 njerëz.
a.ç
