Austria konfirmon: 71 trupa të pajetë, 4 nga të cilët fëmijë, në kamionin e emigrantëve
Ministria e Brendshme e Austrisë ka bërë të ditur se 71 trupa, që besohet se u përkasin emigrantëve, kanë qenë në një kamion të braktisur, i cili është gjetur të enjten në një autostradë, pranë kufirit me Hungarinë.
Në një konferencë për media në Vjenë, zyrtarët kanë bërë me dije se në mesin e viktimave janë 59 burra, tetë gra dhe katër fëmijë.
Ata po ashtu kanë thënë se tre persona janë arrestuar në lidhje me tragjedinë.
Tani, përpjekjet e forcave të rendit janë përqendruar te gjetja e shoferit, e për këtë qëllim, policia austriake po bashkëpunon me atë hungareze.
28 gusht 2015
