Familja Oskian kishte hapur dyert e mortit për humbjen e vajzës së tyre, Aurora. 29 vjeçarja humbi jetën dy ditë më parë, e cila u qëllua me automatik nga persona të pa identifikuar, në drejtim të BMW-së ku ndodhej me shoqen e saj më të ngushtë dhe dy meshkuj. Nga të shtënat gjeti vdekjen Klevis Rugova dhe u plagos Elvis Gaçaj.
Ndërsa, vajza me iniciale E.Gj u largua nga makina sapo ka dëgjuar të shtënat. Familja Oskian jeton në katin e pestë të një pallati pas shkollës “Pjetër Budi”, në rrugën “Muhamet Gjollesha”, në Tiranë.
Dje, edhe komshinjtë e kësaj familjeje ishin në zi.
“Humbëm një vajzë të mirë e të dashur. Edhe ne si komshinj jemi në zi për këtë. Nuk e besojmë se çfarë ndodhi. Vajza vjen nga një familje e mirë dhe punëtore”, shprehet nëpër shkallë një grua rreth të 40-ve.
Ndërsa një nga kushërirat e saj, ka mohuar se 29-vjeçarja ishte e përfshirë në trafik droge. Ajo thotë për Shqiptarja.com, se familja Oskian bën një jetë modeste, madje babai i Aurorës punon si roje.
