Stephan Lichsteiner i është nënshtruar ndërhyrjes kirurgjikale në zemër. Mbrojtësi zviceran i Juventusit, Stephan Lichsteiner, i është nënshtruar ndërhyrjes kirurgjikale në zemër dhe pritet të mungojë më shumë se një muaj. Pas dhimbjeve të papritura në ndeshjen Juventus-Frosinone, mjekët zbuluan një problem në funksionimin e zemrës së mbrojtësit bardhezi.
“Lichtsteiner kishte vështirësi në frymëmarrje për shkak të aritmisë kardiake beninje. Analizat dhe konsultat e specialistëve gjatë ditëve të fundit dolën në përfundimin se zgjidhja më e mirë ishte ndërhyrja kirurgjikale dhe në këtë mënyrë lojtari u operua dhe do të jetë gati për rreth 30 ditë”, thuhet në komunikatën e Juves.
