Studiuesi dhe ish kreu i Bibliotekës kombëtare, Aurel Plasari ka kritikuar qeverinë në lidhje me ndërtimin e bunkierit pranë Ministrisë së Brendshme, nisur nga ngjarja e djeshme, ku protestuesit e PD i vunë flakën. Plasari shprehet se çfarë do të ndodhte sikur pranë Portave të Brandenburgut në Gjermani, do të vihej një krematorium i kohës nazite nga ana e qeverisë gjermane, me justifikimin se është për qëllime turistike dhe artistike.
NJË KREMATORIUM NË MES TË BERLINIT ?!
Në foto është një nga zonat më turistike të Berlinit, e njohur si “Porta e Brandenburgut” (Brandenburger Tor), për ata që e dinë dhe ata që nuk e dinë. Përfytyroni tani që në një zonë të tillë Qeveria gjermane të vendoste të ndërtonte një krematorium, siç quheshin furrat e kampeve të përqendrimit të Hitlerit për të djegur kufomat, me justifikimin se, nëpërmjet ndërtimit të tij, po denoncuaka çmenduritë e nazizmit ose po përkujtuaka viktimat e tij ! Madje të rindërtonte edhe ndonjë “dhomë gazi” ! Dhe t’i quante “instalacione” ! Deri edhe “vepra arti” ! Do të guxonte kush në Gjermaninë e sotme ?
Krematoriumet, shumë prej të cilëve ruhen ende në ish-kampet e përqendrimit nazist (according to calculations by the German authorities, 768 corpses could be burned in a crematorium every 24 hours) së toku me dhomat e gazit vizitohen e përkujtohen për të nxjerrë mësime nga historia atje tek janë: në Auschëitz, Birkenau etj. dhe askush nuk ka luajtur nga trutë e kokës t’i rindërtojë ato në mes të Berlinit kinse për funksione “turistike”.
