Cristiano Ronaldo është afër ta barazojë rekordin e legjendës së Real Madridit, Alfredo di Stefano. Ylli i Real Madridit ka mundësinë që ta shkruajë emrin në historinë e Real Madridit, si golashënuesi më i mirë i Los Blancos në derbin ndaj Atletico Madridit.
Këtë rekord e mban ish-legjenda e Real Madridit, Alfredo di Stefano, i cili ka realizuar 17 gola në 26 paraqitje ndaj rivalit të qytetit, Atleticos.
Kurse, Ronaldo në përballjen e deritanishme me ekipin nga Vicente Calderon ka realizuar 15 gola. Atij i duhen vetëm edhe dy gola që ta barazojë këtë rekord, shkruan “Marca”, përcjell Express. Derbi i qytetit mes Atletico Madridit dhe Realit do të luhet të shtunën nga ora 20:45. (b.an)
