Një ngjarje e rëndë ka ndodhur në kryeqytetin grek të Athinës ku një shtetas shqiptar i ka dhënë fund jetës në mënyrë tragjike.
Shqiptari është hedhur nga kati i pestë i një hoteli. Mediat greke raportojnë se në çantën e tij është gjetur një shumë e madhe parash.
Në vendngjarje, u gjet një fotokopje e pasaportës, duke bërë të mundur kështu identifikimin e viktimës. Sipas policisë greke, ai është Emiljano Desaj, një 42-vjeçar nga Skrapari.
Shqiptari kishte hyrë në hotel me shpejtësi, dhe në momentin kur recepsionisti kishte tentuar ta ndalonte, ai kishte hyrë në ashensor.
Policia po punon për zbardhjen e ngjarjes./a.m.
