DEA dhe policia greke kanë përmbyllur me sukses një tjetër operacion për goditjen e grupeve kriminale të trafikut të drogës.
Në pranga kanë rënë dy shtetas grekë, 46 dhe 53 vjeç dhe dy shqiptarë 33 dhe 39 vjeç. Përveç tyre është lëshuar urdhër arrest dhe për 9 persona të tjerë që furnizoheshin me drogë nga grupi.
Grupi kriminal furnizonte sistematikisht me drogë zonën e Athinës, sidomos me hashash që transportohej nga Shqipëria.
DEA thotë se arrestimet janë vazhdim i operacionit të 12 korrikut.
Operacioni nisi të hënën me arrestimin e 46-vjeçari grek me 36 kg hashash të importuar nga Shqipëria.
Më pas gjatë kontrollit në shtëpitë e të arrestuarve u zbuluan dhe 67 kg hashash të tjera si dhe 1 400 euro dhe 4 mijë lekë shqiptare, shkruan panorama.
Policia sekuestroi dhe katër makina, një pistoletë, gjashtë telefona dhe kartëmonedha euro të prerjeve 10 dhe 20 false.
