Shtyhet gjyqi ndaj Tom Doshit, Mark Frrokut dhe Durim Bamit.
Shkak për shtyrjen e procesit ku po gjykohet dosja për atentatin e pretenduar ndaj Tom Doshit, është bërë dorëheqja e gjyqtarëve Evelina Qirjako dhe Arjana Fullani.
Gjyqi vijon prej pesë muajsh të jetë pezull në Gjykatën e Lartë, për shkak se nuk arrihet të formohet trupi gjykues prej 5 gjyqtarësh.
Dy gjyqtarëve të mësipërm u ka mbaruar mandati dhe për këtë arsye ata kanë dhënë dorëheqjen nga funksioni.
Tom Doshi, Mark Frroku dhe Durim Bami akuzohen nga Prokuroria për kallëzim të rremë në lidhje me atentatin e pretenduar nga Tom Doshi.
Doshi akuzoi dy vite më parë kryetarin e atëhershëm të Kuvendit, sot President i Republikës, Ilir Meta se kishte porositur vrasjen e tij. Akuzat e Doshit u hodhën poshtë nga prokuroria si të stisura dhe u mor i pandehur Mark Frroku dhe Durim Bami, ky i fundit si ekzekutor në tentativë.
a.ç
