Policia ka mundur të gjejë automjetin e përdorur nga 3 autorët e atentatit ndaj biznesmenit Rudin Haxhiaj dhe kushëririt të tij Eneid Haxhia, sulm i cili ndodhi 11 ditë më parë në qytetin e Sarandës.
Mjeti i tipit audi A6 me targa Tiranë 4512F është gjendur i braktisur në fshatin Bistricë, disa kilometra larg vendit ku dhe u krye atentati.
Policia sqaron se tashmë njëri prej 3 atentatorëve është identifikuar, por për arsye hetimore, identiteti i tij nuk bëhet i ditur. Po sipas hetimeve, mësohet se makina Audi ka targa të falsifikuara dhe se është një automjet i vjedhur në muajin gusht.
Gjatë kontrollit të mjetit, janë gjetur dhe sekuestruar: 1 armë zjarri Pistoletë, të llojit “Beretë” – një krëhër me 14 fishekë, – një krëhër automatiku me 29 fishekë model 56, – 12 gëzhoja model 56, – 1 bidon plastik 2-litroshe me benzinë, – veshje plasmasi si dhe materiale të tjera të dobishme për hetimin.
Më 30 dhjetor 2015, Rudin Haxhiajt dhe Enid Haxhiajt ranë pre e një atentati me armë ndërsa fatmirësisht nuk u shënua asnjë viktimë por mbetën të plagosur. Ky nuk është rasti i parë ku ndaj Haxhiajt bëhet atentat, pasi në harkun kohor të 4 viteve ndaj tij janë bërë 5 atentate.
