Një atentat i stilit mafioz i është bërë një të riu shqiptar në mes të kryeqytetit Italian.
Ngjarja ka ndodhur orët e vona të natës, në zonën Monterotondo Scalo në Romë, ndërsa indentiteti i të riut nga Shqipëria nuk bëhet i ditur nga media italiane.
I riu së bashku me të vëllanë po i drejtoheshin hyrjes së pallatit ku kishin apartamentin, kur dy persona mbi një skuter i janë afruar dhe kanë qëlluar me pistoletë mbi 25 vjeçarin, shkruan express.
Momentalisht gjëndja e të riut është e rëndë.
Ai po lufton me vdekjen në spitalin Sant’Andrea të Romës. Hetimet për zbardhjen e ngjarjes janë duke u drejtuar nga karabinierët e Monterotondo.
a.ç
