Një çift në Zakynthos të Greqisë ka rënë pre e një atentati ditën e sotme. Ata u qëlluan me armë zjarri nga dy persona, në zonën e Agios Sostis.
Për pasojë ka humbur jetën menjëherë gruaja, ndërsa bashkëshorti u plagos.
Sipas të dhënave paraprake, të publikuara nga mediet greke, 2 atentatorët ishin të veshur si policë.
Çifti po udhëtonte me motor dhe po ktheheshin për shtëpi. Pak metra larg shtëpisë, një makinë iu afrua ku prej së cilës një person qëlloi me armë drejt tyre.
Ende nuk dihen shkaqet e këtij atentati ndërkohë që policia ka ngritur pika kontrolli në të gjithë zonën në kërkim të autorëve.
/a.r
