“Procesi i integrimit në BE do të forcojë aleancën midis Shqipërisë dhe Shteteve të Bashkuara dhe do të konsolidojë themelin për një Europë të fortë dhe të lirë. Lajmi i mirë është që Shqipëria është në drejtimin e duhur dhe progresi duhet të vazhdojë”.
Deklarata u bë nga atasheu ushtarak i SHBA në Tiranë James Hilton në konferencën për Sigurinë në Ballkan organizuar nga Qendra Marshall. Në fjalën e tij, Hilton theksoi se për të krijuar një mjedis ekonomik nga i cili të përfitojnë të gjithë, duhet të vijojë progresi për sundimin e ligjit dhe spastrimin e korrupsionit dhe të krimit të organizuar. “Reforma në Drejtësi po ndodh, për shkak se shqiptarët meritojnë një sistem gjyqësor të ndershëm dhe transparent, ashtu si dhe gjithë popujt e rajonit”, theksoi Hilton.
“Shqipëria dhe pjesa tjetër e Ballkanit Perëndimor nuk janë vetëm. Ato qëndrojnë krah për krah me njëra-tjetrën dhe me Shtetet e Bashkuara. Vetëm përmes punës së përbashkët ne mund të tejkalojmë kërcënimet e jashtme dhe të brendshme të sigurisë në rajon dhe të vazhdojmë marshimin e palëkundur transatlantik”, tha ai.
/a.rada
