Është ndarë nga jeta kryebashkiaku i Kolonjës, Arben Malo në moshën 46 vjeçare pas një sulmi në zemër.
Policia ka njoftuar se Malo ndërroi jetë në banesën e tij rreth mesnatës, ndërsa është transportuar menjëherë drejt spitalit të Ersekës. Trupi i tij ndodhet në morgun e këtij spitali ku pritet t’i nënshtrohet edhe autopsisë.
Shkak dyshohet të ketë qenë një atak kardiak, të cilit Arben Malo nuk ka mundur t’i mbijetojë.
Arben Malo lindi më 26.09.1969, në Kolonjë. Në vitin 1993 është diplomuar pranë Fakultetit të Gjeologji-Miniera, Universiteti i Tiranës.
Ndër funksionet publike të ushtruara prej z. Malo, është ai i Kryetarit të Partisë Socialiste, Dega Kolonjë përgjatë viteve 1998-2005.
Prej viti 2013 e ne vazhdim ka mbajtur postin e Drejtorit të Drejtorisë Rajonale të Bujqësisë, Korçë.
Përgjatë viteve 2000-2007 ka qenë Kryetar i Këshillit Bashkiak Ersekë; ndërsa në vitet 2000-2011 ka ushtruar detyrën e anëtarit dhe kryetarit të grupit socialist të Këshillit të Qarkut Korçë/shqiptarja.com/
