Biznesi i vogël do të përfshihet në skemën e tatimit, mbi vlerën e shtuar.
Kryeministri Edi Rama ka komentuar në rrjetet sociale aksionin anti-informalitet në biznese të ndërmarrë nga Ministria e Financave ditët e fundit.
Kreu i qeverisë akuzon opozitën se po mbron shkelësit, ndërsa qeveria është në anën e njerëzve të zakonshëm.
Rama paralajmëron se s’do ketë asnjë biznes pa TVSH dhe se sipas tij, kjo do t’i japë fund mashtrimit me lekët e popullit.
“Opozita front në mbrojtje të INFORMALITETIT👎Ne mbrojmë njerëzit e zakonshëm👍Asnjë biznes pa TVSH = FUND mashtrimit me lekët e popullit“, shkruan Rama në Twitter.
Aktualisht bizneset me xhiro nën 5 milionë lekë në vit nuk paguajnë tatim mbi vlerën e shtuar.
Nga 1 janari 2018 edhe biznesi i vogël do të futet në skemën e TVSH-së.
Kjo është hera e parë që biznesi i vogël detyrohet të paguajë TVSH-në.
Në këtë skemë deri më tani ishin bizneset me xhiro mbi 8 milionë lekë.
a.ç
