Policia e Shtetit vijon asgjësimin e kanabisit në të gjithë vendin. Sot aksioni është shtrirë në Tropojë, Mirditë, Lushnje, Mallakastër ku janë asgjësuar 5999 rrënjë kanabis sativa.
Tropojë
Policia e Tropojës ka asgjësuar mëngjesin e sotëm 2440 rrënjë kanabis sativa. Gjatë kontrollit të ushtruar në disa zona të Tropojës, konkretisht në vendet e quajtura ”Javorr i Degës “, “Stani i Malotës”, “Stani i Poshtër”, “Pribunjë”. Bimët u asgjësuan me anë të djegies, ku një pjesë e tyre u sekuestruan në cilësinë e provës materiale. Policia po punon për identifikimin dhe kapjen e autorëve.
Mirditë
Ndërsa në Mirditë policia ka asgjësuar 3370 rrënjë kanabis sativa. Bimët janë asgjësuar në fshatin Gëziq, në një parcelë me anë të djegies. Po punohet për identifikimin dhe kapjen e autorit/ve për vepren penale “Kultivimi i bimëve narkotike “.
Lushnje
Policia e Lushnjes ka gjetur 4.3 kg lëndë narkotike dhe 59 bimë Cannabis Sattiva në një banesë, arrestohet në flagrancë poseduesi.
Specialistët për Krimet në Komisariatin e Policisë Lushnje, arrestuan në flagrancë shtetasin:
Dhimitër Veliu, 52 vjeç, banues në fshatin Bishqethëm, Lushnje.
Mallakastër
Vijon puna për evidentimin dhe asgjësimin e bimëve narkotike. Gjenden dhe asgjësohen me djegie 130 bimë narkotike të dyshuara Cannabis Sattiva, arrestohet në flagrancë kultivuesi. Marselan Sulaj, 24 vjeç, banues në fshatin Bejar, Mallakastër.
shqiptarja.com/d.i.
