Policia ka zbuluar dhe asgjësuar me anë të djegies, 2493 rrënjë bimë narkotike të llojit Cannabis Sattiva.
Arrestohen në flagrancë dy shtetas, si dhe shpallet në kërkim një tjetër.
Tepelenë, asgjesohen 313 bimë narkotike, arrestohet në flagrancë djali e shpallet në kërkim babai.
Këlcyrë, asgjesohen 2180 bimë narkotike, arrestohet në flagrancë autori i kultivimit.
Në vijim të punës, për parandalimin e kultivimit të bimëve narkotike, nga efektivët e Komisariatit të Policisë Tepelenë , u konstatuan të kultivuara 313 bimë narkotike të llojit Cannabis Sattiva.
U arrestua në flagrancë shtetasi :
A. Elmazi, 18 vjeç, banues në Hormovë ,Tepelenë .
Si dhe u shpall në kërkim babai i tij,shtetasi R.E , pasi :
Këta shtetas në bashkëpunim me njeri tjetrin, në baçen e tyre në fshatin Hormovë ,kishin kultivuar 313 bimë narkotike Cannabis Sattiva.
Bimët narkotike u asgjësuan në vend, me anë të djegies dhe një pjesë e tyre, u morën në cilësinë e provës materiale.
Materialet i kaluan Prokurorisë të Rrethit Gjyqësor Gjirokastër për veprën penale: “Kultivimi i bimëve narkotike i kryer në bashkëpunim” parashikuar nga nenet 284 dhe 25 të Kodit Penal.
Gjithashtu nga efektivët e Komisariatit të Policisë Përmet janë zbuluar dhe asgjësuar 2180 bimë narkotike , në vendin e quajtur “Përroi i Alipostivanit” , në fshatin Alipostivan ,Përmet.
Bimët ishin të kultivuara në dy parcela të hapura rishtaz në pyll.
Nga efektivët e policisë është arrestuar në flagrancë shtetasi :
Sokrat Bedaj , 34 vjeç, banues në Sarandë.
Materialet i kaluan Prokurorisë së Rrethit Gjyqësor Përmet për veprën penale ” Kultivim i bimëve narkotike ” parashikuar nga neni 284 i Kodit Penal./a.m.
