Kryebashkiaku i Tiranës, Erion Veliaj nga asambleja e FRESSH-it është shprehur se pret një fitore spektakolare në kryeqytet në zgjedhjet lokale të 30 qershorit të 2019. Ai u bëri thirrjeve qytetarëve që të votojnë Partinë Socialiste edhe për Këshillin Bashkiak për të mos e kthyer bashkinë ne minitepësira. Duke komentuar protestën e banorëve të Unazës së Re, Veliaj tha se PS mund të fitojë pa asnjë kapsollë duke punuar dhe respektuar kundërshtarin.
“Ne mund të fitojmë pa asnjë kapsollë, duke punuar, respektuar kundërshtarin, duke i bashkuar me alternativa dhe jo duke i përçarë. Mezi pres të kemi një fitore spektakolare në Tiranë. Këtë herë nuk na duhet vetëm fitorja, por shumica absolute në këshill për të mos e kthyer bashkinë ne minitepësira. Këta që sot protestojnë dhe nuk janë fare në atë zonë nuk vijnë në parlament, në këshillin bashkiak. Këta nuk vijnë për të votuar ndihmën ekonomike dhe këtej thonë se janë të shqetësuar për varfërinë. Kryetari duhet të negociojë që të bëhen numrat që të jepet ndihma. Këta njerëz kanë fytyrë?!! Tërë ditën flasin për varfërinë, por nuk vijnë për të votuar ndihmën. Jam lodhur duke iu lutur disa njerëzve që të bëjnë punën e tyre dhe zgjidhja është një këshill me shumicë dërrumuese PS. Nuk ka asnjë arsyer që ky qytet të mos na japë më shumë besim për të çuar punët përpara”, tha Veliaj.
Nga protesta e banorëve të Unazës së Re para dy ditësh u lënduan 15 policë mes tyre efektivja Ina Nuku që humbi dy gishta nga një kapsollë dhe u dërgua në Turqi për mjekim, ndërsa u shoqëruan 25 persona.
ma.me
