Për të dytën javë radhazi nuk do të zhvillohet seanca plenare. Lajmi konfirmohet nga vetë zyra e shtypit e Kuvendit e cila njofton se as këtë të enjte nuk do të ketë seancë, ashtu si javën e kaluar.
Siç bëhet e ditur në njoftim, shtyrja e seancës vjen për shkak se deputetët do punojnë në komisionet e përhershme parlamentare për shqyrtimin dhe përgatitjen e projektligjeve.
Në fakt deputetët e të gjitha partive kanë qenë të angazhuar në zgjedhjet vendore dhe mbarëvajtjen e tyre, çka ka bërë që komisionet parlamentare të mos mblidhen as këtë javë për shqyrtimin e projektligjeve.
