Sot është ndarë nga jeta, pas një sëmundjeje të rëndë, piktori Vilson Kilica. Ai është një ndër krijuesit më të rëndësishëm të kulturës dhe artit shqiptar, i njohur për kontributin e tij të çmuar sidomos në përiudhën e diktaturës.
Mbas studimeve në Akademinë e Artit në Leningrad, Vilson Kilica u kthye në atdhe për të dhënë një kontribut të rëndësishëm në kulturën dhe artin shqiptar. Krijimi i Akademisë së Arteve është i lidhur pazgjidhshmërisht me këtë emër duke qenë drejtuesi i parë i këtij institucioni. Vilson Kilica ka rolin kryesor si organizator dhe përpilues i strukturës pedagogjike.
Vepra e tij krijuese ruhet dhe ekspozohet në Galerinë Kombëtare të Arteve, Tiranë dhe në Galerinë e Arteve Fier, në koleksionin e familjes dhe në koleksionistë privatë brenda dhe jashtë shqipërisë. Në Galerinë Kombëtare të Arteve, ndodhen 40 vepra të piktorit të viteve 1960-1989. Veprat e artist janë pjesë e linjës aktuale muzeale të GKA.
Vilson Kilica përcillet sot në banesën e fundit, në orën 13:00.