Prokurorja e Përgjithshme Arta Marku ka qenë sot në Durrës për të zhvilluar një takim me kryeprokuroren e rrethit Donika Prela dhe për të marrë pjesë në analizën vjetore, raporton “BalkanWeb” . Pas vizitës së djeshme në Prokurorinë e Elbasanit, duket se kryeprokurorja ka disa këshilla edhe për organin e akuzës në Durrës.
Por ndërsa zonja Marku ka zbritur nga makina për t’u futur në Prokurorinë e Durrësit një e moshuar i ka bërë një thirrje.
“Po torturohem nga kjo prokurori. Hiqi të gjithë qysh tek polici, qysh tek roja. Arta të marrsha të ligat nona, të keqen nona. Dhe atë që ke vënë…”, bërtet e moshuara jashtë prokurorisë.
