Evertoni ka befasuar Arsenalin duke mposhtur londinezët me rezultat 2 me 1, për t’ua pamundësuar marrjen e pozitës së parë të Premier Ligës.
Arsenali kaloi në epërsi me golin e Alexis Sanchezit në minutën e 20, por Evertoni barazoi një minutë para fundit të pjesë së parë. Fundi i kësaj pjese u nxeh kur Ozili pati mosmarrëveshje me disa lojtarë të Evertonit.
Golin e fitores ia dha mbrojtësi Ashley Williams në minutën e 86 kur realizoi me kokë pas harkimit të Ross Barkleyt.
Me këtë humbje Arsenali mbetet në pozitën e dytë me 34 pikë dhe i rrezikohet kjo pozitë nga Liverpooli që takohet me Middelsbrough, citohet Express. (b.an)
