Prurjet e vrullshme të lumit mat kanë rrezikuar seriozisht Rrugën e Kombit. Vërshimi i ujrave ka shkaktuar probleme në trasenë e këtij aksi në afërsi të fshatit Skuraj. Menjëherë pas evidentimit të problemit, shtabi i emergjencave civile ka ndërhyrë për parandalimin e problemit.
Një pjesë e rrugës së Kombit është dëmtuar si pasojë e hapjes së portave të HEC-eve. Këtë fakt e ka konfirmuar në një intervistë për ReportTV drejtori i ARRSH-së Dashamir Xhika.
“Dje rreth orës 13 nga hapja e portave të hidrocentraleve, niveli i ujit ka qënë shumë i lartë thuajse në nivelin e rrugës, ka patur gërryerje të rrugës.Kjo ka ndodhur në aksin Milot-Rrëshen por janë marrë masa me vendosjen e blloqeve. Pjesa e re e rrugës është dëmtuar. nuk është se ka pasur shembje të rrugës por gërryerje dhe për këtë duhet marrë masa të nevojshme, kërkojnë fonde të vecanta sepse nuk përballohe. për dëmet nuk kemi një faturë financiare. Edhe reshjet dhe hapja e portave kanë qënë shkaku kryesor i dëmtimit të kësaj pjese të rrugës”-tha Xhika.
