Arritje unike, UEFA nderon Shqipërinë

Shqipëria është shpallur skuadra më e mirë e kualifikueseve të kampionatit europpian nga UEFA, pasi ka arritur finalet për herë të parë në historinë e saj. Në sitin e UEFA-s janë publikuar më të mirët e këtyre eliminatoreve, bazuar në arritjet unike të tyre. Sigurisht që Shqipëria nuk është skuadra më e mirë e Europës, por ndërsa shumë të tjera bënë atë që priteshin, kuqezinjtë tejkaluan vetveten. Në motivacionin e UEFA-s thuhet se “para këtyre eliminatoreve, turnetë e vetëm të Shqipërisë kishin qenë me U18 më 1982 dhe me U16 më 1995. Por që nga fitorja në Portugali, Shqipëria nuk e ktheu më kokën pas, ndonëse kualifikimi u vonua deri në fitoren 3-0 të kësaj jave në Armeni”. Në listën e më të mirëve të UEFA-s, për motive të ndryshme, janë Robert Lewandowski, San Marino, fitorja surprizë e Islandës në Holandë e të tjera.