Maqedonia e Veriut mban gjallë shpresat për Kupën e Botës Katar 2022.
Skuadra ballkanase bëri historinë në grupin J duke shkuar në Play-Offin falë fitores 3-1 ndaj Islandës.
Ishte lojtari me orgjinë shqiptare, Alioski ai që shënoi golin e parë për vendasit.
Gjithçka u vendos në barazpeshë nga Thorsteinsson, por fantazisti i Napolit, Elmas vulosi gjithçka me një dygolësh të tij duke e mbyllur takimin në 3-1.
Në sfidën tjetër Rumania nuk e diskutoi Lihtenshteinin në shtëpinë e këtyre të fundit me rezultatin 2-0. Ishte Man ai që zhbllokoi rezultatin në minutat e para të takimit. Më pas rumunët humbën edhe një 11-metërsh me anë të Stanciu, por Bancu i mbylli llogaritë tre minuta përpara përfundimit të kohës së rregullt.
Kështu Gjermania i mbylli me 27 pikë në vendin e parë këto eliminatore, e ndjekur nga Maqedonia e Veriut me 18 pikë, 1 më shumë se Rumania. Pavarësisht se është kualifikuar prej muajsh, Gjermania ka fituar 4-1 ndaj Armenisë.
/a.r
