Numri i mjeteve të regjistruara pranë drejtorisë së shërbimit dhe transportit rrugor në fund të 2024, arriti në 960 mijë mjete, me rritje të ndjeshme vit pas vitit.
Por 240 mijë prej tyre nuk paguajnë taksë dhe detyrimet vjetore prej vitesh. Drejtoria e transporti ka hartuar listën e debitorëve dhe ia ka dërguar drejtorisë së tatimeve për mbledhjen e tyre me forcë.
Sipas të dhënave borxhi i akumuluar arrin në 17 miliard lekë. Kreu i DPSHTR-së, Ilir Mëngra, gjatë një interviste për emisionin “E-ZONE” tha këto shifra janë dinamike.
“Për arsye se numri i debitorëve po rritej me kalimin e viteve ne morën një fushatë sensibilizuese për debitorët. DPSHTR ndërvepron me institucione të tjera, nëpërmjet marrëveshjeve të bashkëpunimi, ku një prej tyre është dhe ajo me tatimet. DPSHTR disponon regjistrin aktiv të mjeteve, jep informacionin çdo datë 31 janar te Drejtoria e Tatimeve për listën e debitorëve që nuk paguajnë taksat. Më tej i takon tatimeve të marrë hapat e nevojshëm. Aktualisht kemi mbi 200 mijë mjete me taksa të papaguara ndër vite”, tha Mëngra.
Një pjesë e këtyre makinave janë mjete të cilat mendohet se nuk janë në qarkullim, por ato nuk janë çregjistruar. Por mjetet me debi nuk mund as të shiten e as të blihen.
“Taksat paguhen në çdo drejtori rajonale. Aktualisht po bëjmë një marrëveshje me një bankë të nivelit të dytë për të paguar online detyrimet. Detyrimet janë të konsiderueshme, por ato ndryshojnë çdo ditë dhe çdo vit, pasi mjetet vjetërsohen dhe kanë të tjerë koeficientë si dhe kamatëvonesat rritet më tej. Deri tani nuk behët fjalë për bllokim të këtyre mjeteve nga ana jonë, por ato janë në sekuestro konservative, pra individi nuk mund ta tjetërsojë dhe as nuk mund ta shesë”, shtoi Mëngra.
Disa vite më parë qeveria aplikoi falje të plotë dhe të pjesshme të detyrimeve kamatëvonesave dhe gjobave të automjeteve. Përfitues do të ishin rreth 100 mijë pronarë mjetesh, por kjo falje nuk pati efektin e pritshëm.
EDHE PO I PAGUAT TAKSAT,KENI K/HAJDUTIN U A FALE,TAKSA DHE GJOBA,MOSE E RRUANI FARE.