Pas përfundimit të takimit të Albin Kurtit me Vjosa Osmanit, kandidati për kryeministër kreu i Vetëvendosjes ka deklaruar se me LDK-në janë marrë vesh që ta minimizojnë numrin e ministrive dhe zëvendës ministrave në Qeverinë e Re.
Kurti deklaroi se me Osmanin po ashtu u pajtuan që Qeveria të përbëhet edhe nga femrat ku kuota pritet që të jetë 30 për qind.
“U dakorduam që të kemi një Qeveri prej 30 për qind të përfaqësimit gjinor mimalisht do të jenë 30 për qind gra edhe në mesin e ministrave dhe zv ministrave . Do të kemi shumë më pak ministri e shumë më pak zëvendësministra. Ekipet tona do të takohen për të harmonizuar programet e projektet tona. Ne kemi diskutuar se si do t’i zvogëlojmë bashkojmë përgjegjësitë në kabinetin qeveritar. Porsa ta kemi rezultatin konkret ne do të ju njoftojmë për emrat e përveçqë në qeverinë e ardhshme”, tha Kurti.
Ndërkohë për ndarjen e posteve Kurti tha se nuk kanë biseduar në takimin e sotëm me Osmanin. Gjatë fjalës së tij Kuurti, deklaroi se Qeveria e tij do të ketë transparencë dhe se nuk do të bëjnë pazare politike pasi ato janë bërë në Qeverinë PAN.
“Pazare politike keni parë me PAN’in. Transparencë do të ketë Qeveria e re”, sqaron Kurti.
Kurti tha se Qeveria e tij do të ketë 12 ministri dhe se nuk do të vrapojnë pas Listës Serbe për t’i kërkuar koalicion.
Ndërsa Vjosa Osamni deklaroi pas takimit se presim edhe numërimin final të votave dhe pastaj do të arrijmë marrëveshjen finale.
“Ne sapo zhvilluam takimin për diskutuar bashkëpunimin pas një procesi të mirë. Kemi diskutuar në nivel parimeve. Të dy partitë treguan vullnetin e mirë për të qeverisur bashkë. Ka disa gjëra me të cilat filluam diskutimeve, sa i përket një qeverie që do të reduktohet sa i përket numrit të ministrive, por do të rritet sa i përket punës së mirë që do të bëhet. Iu mbetet partive që diskutohen për detajet. Po presim edhe numërimin e të gjitha votave, para se ta arrijmë marrëveshjen finale. Ka vullnet të mirë në të dy partitë”, ka thënë Osmani.
g.kosovari
