Policia italiane ka arrestuar pasditen e sotme autorin e vrasjes së shqiptarit Demir Hyseni 49 vjeç, i cili u ekzekutua mëngjesin e sotëm poshtë pallatit ku banonte në Terni.
Sipas medias italiane “Umbria24”, vrasësi i dyshuar u arrestua në Bari. Autori do të arratisej nga Italia drejt Shqipërisë. Ai ishte gati duke hipur në traget për të udhëtuar drejt vendit tonë në momentin kur u arrestua. Deri tani nuk ka informacion rreth identitetit të tij.
Muratori shqiptar Demir Hyseni u ekzekutua me armë sapo hipi në makinë për të shkuar në punë. Autori i dyshuar ju afrua dhe pas sherrit që patën, nxorri një pistoletë dhe e qëlloi shqiptarin disa herë.
Hyseni mbeti i plagosur dhe tentoi të largohej, por vrasësi e qëlloi përsëri duke i dhënë goditjen përfundimtare. Më pas u largua me shpejtësi në rrugicat e pallateve. Ndërkohë që hetimet e policisë italiane janë duke u zhvilluar, ende nuk dihen shkaqet e kësaj vrasje
a.ç
