Një muxhahedine, pjesëtare e sulmit terrorist në vitin 1981 në Teheran, është arrestuar në Shqipëri. Lajmi është dhënë nga zëdhënësi i policisë së Iranit, Saeed Montazerolmahdi, gjatë një konference për shtyp. E arrestuara është pjesë e organizatës muxhahedine dhe është transferuar në Shqipëri pas marrëveshjes së arritur me SHBA-në.
Zyrtari iranian ka deklaruar se gruaja është arrestuar pasi ndodhej në kërkim nga Interpoli dhe së shpejti do të ekstradohet drejt Teheranit.
Megjithatë, në policinë shqiptare e mohojnë arrestimin, ndërsa nuk jepen më shumë të dhëna.
Më 28 qershor 1981, një bombë e fuqishme shpërtheu në selinë Partisë “Republika Islamike” (IRP), ku liderët e partisë po mban një takim. Dhjetëra zyrtarë iranianë, përfshirë shefin e Këshillit të Lartë Gjyqësor Ajatollah Mohammad Beheshti, u vranë në sulmin e organizuar nga MKO, shkruan Newsbomb.
Uashingtoni dhe Bashkimi Evropian kanë hequr MKO nga listat e tyre të organizatave terroriste. a.k
