Një 22-vjeçar britanik është arrestuar të martën në Westminster të Londrës, nën dyshimin për përgatitjen e akteve terroriste.
Arrestimi është bërë në kuadër të hetimit për incidentin e ndodhur pranë bazës ajrore ushtarake RAF Fairford në Gloucestershire.
Ky është personi i shtatë i arrestuar në lidhje me këtë rast. Gjashtë burrat e tjerë që u ndaluan më parë nga policia janë liruar me kusht, ndërsa hetimet po vazhdojnë.
Kryetarja e Koordinimit Britanik Kundër Terrorizmit, Vicky Evans, deklaroi se hetimi për këtë ngjarje mbetet në fazën e tij më intensive.
