Ish-boksierja braziliane Viviene Obenauf është arrestuar dje nga policia zvicerane si e dyshuara kryesore për vdekjen e bashkëshortit të saj Tomas.
Obenauf pati një karrierë të suksesshme në boks, duke fituar 14 ndeshje kundër gjashtë humbjeve, para se të tërhiqej vitin e kaluar.
Ajo hapi një restorant në Zvicër, pasi u tërhoq nga sporti dhe më pas hapi një palestër të sajën.
Policia raporton se viktima është gjetur me “dëmtime të rënda të shkaktuara prej goditjes me çekiç”.
Pas hetimeve 34-vjeçarja Obenauf pretendohet se ka goditur për vdekje bashkëshortin e saj, por ende nuk dihen shkaqet.
Ish-boksierja nga Brazili edhe më herët ajo është ndalur për ushtrim dhune.
Njëri prej partnerëve të saj deklaroi se vite më parë Obenauf e ka goditur atë në gjendje të dehur 4-5 herë me grusht. Ndërkohë tani ajo akuzohet për vrasjen e burrit të saj.
