Policia e Durrësit ka mundur të arrestojë këtë mbrëmje pronarin e lokalit në Durrës, i cili u konfliktua për motive banale me shtetasin Asllan Kërtusha, të cilin më pas e qëlloi me armë, duke i marrë kështu jetën.
Gëzim Kanjo, 31 vjeçar dhe pronar i lokalit Lords ku dhe ndodhi përplasja u arrestua nga policia pas një rrethimi që efektivët i bënë, çka solli vetëdorëzimin e tij, rreth 24 orë pas arratisjes nga vendi ngjarjes.
Gëzim Kanjo së bashku me kushëririn e tij Blendi Kanjo pas debatit që kanë patur me Asllan Kërtushën, kanë dalë jashtë ambienteve të lokalit dhe më pas, ka qenë Asllan Kërtusha i cili ka plagosur Blendin, ndërsa pronari lokalit Gëzimi, i ka marrë më pas armën nga dora dhe e ka qëlluar dy herë në trup. Asllan Kërtusha humbi jetën në spitalin e durrësit pas plagëve të marra.
