Një nga sekretarët kryesorë të Lëvizjes Vetëvendosje në Kosovë ka rënë në prangat e policisë vendase mëngjesin e sotëm.
Bëhet fjalë për Dardan Molliqajn, i cili është arrestuar në aeroportin “Adem Jashari” teksa priste të udhëtonte drejt Zvicrës. Sipas mediave kosovare, Molliqaj po mbahet në një komisariat të policisë së Prishtinës, ndërkohë që i menjëhershëm ka qenë reagimi i Vetëvendosjes.
“Dhuna policore e ushtruar më 27 janar, arrestimet masive të qytetarëve pas kësaj proteste, dhuna psikologjike e ushtruar para protestës së 18 prillit, kërcënimet ndaj mësimdhënësve grevistë, dhe së fundi arrestimi i Dardan Molliqajt, flasin për përpjekjen e vazhdueshme të Qeverisë që t’i shtypë dhunshëm protestat qytetare” – thuhet në komunikatën e VV.
Ende nuk dihen shkaqet e ndalimit të Molliqaj, por dyshohet se ky ndalim ka lidhje me aktivizimin e tij në protesta të ndryshme dhe të ashpra që Vetëvendosje ka zhvilluar herë pas here në Kosovë.
