Besim Nasufi, sekseri që kërkonte pará dhe favore seksuale në shkëmbim të notave kaluese në provime në Universitetin Bujqësor, është arrestuar nga policia. 63-vjeçari ishte përgjegjës shërbimesh mësimore në UB.
Policia e Tiranës ka referuar sot në Prokurori materialet për nisjen e hetimit për Besim Nasufin.
Mbrëmë Fiks Fare publikoi një video ku Nasufi merrte para në këmbim të një note kaluese dhe i kërkonte favorë seksuale studentes, duke i kërkuar të bëhej e dashura e tij
Sekseri Besim Nasufi, pasi bëri ‘pazar’ për shumën e parave që duhej për provim, kërkon edhe favore seksuale.
Ai thotë se një të dashur që e ka patur në fakultet e ka futur në punë tek Zooteknika dhe një tjetër e ka çuar në Gjermani përmes universitetit.
Skandali u publikua mbrëmë pas një investigimi të Fiks Fare. Në një video të re të publikuar nga Fiksi, Nasufi kërcënonte të interesuar se çmimi do të rritej nëse ajo nuk i jepte “plaçkën”.
d.i.
