Policia e Lezhës ka arrestuar një 50-vjeçar nën akuzën e armëmbajtjes pa leje. Sipas njoftimit të policisë, gjatë operacionit eshte sekuestruar një automatik dhe 12 fishekë.
Policia e Lezhës njofton se në pranga ka rënë Gjok Marku, i cili eshte banues në Velë të Lezhës. Nga informacionet e siguruara në rrugë operative se ky shtetas mban armë zjarri në banesë dhe shpesh dilte me të, u ushtrua kontroll në banesën e tij ku iu gjet dhe sekuestruan në cilësinë e provës materiale 1 automatik dhe 1 krehër me 12 fishekë.
Materialet proceduriale në ngarkim të tij do i kalojnë Prokurorisë së Rrethit Gjyqësor Lezhë për veprën penale “Armëmbajtje pa leje” parashikuar nga neni 278/3 i Kodit Penal.