2 persona të shpallur në kërkim për veprën penale “goditje për shkak të detyrës” janë kapur nga policia.
I.(E). A., 35 vjeç, banues në Zejmen dhe P.(L). P., 32 vjeç, banues në Manati kanë goditur një gazetar në Lezhë dhe bashkëshorten e tij më 25 janar 2023.
Ndaj tyre ishtë dhënë masa arrest me burg.
Materialet procedurale iu referuan Prokurorisë, për veprime të mëtejshme.
Njoftimi i plotë:
Shërbimet e Komisariatit të Policisë Lezhë, në vijim të punës policore për kapjen e personave në kërkim për vepra të ndryshme penale dhe vënien e tyre përpara përgjegjësisë ligjore, gjatë ditës së sotme, kanë ndaluar shtetasit e shpallur në kërkim:
I.(E). A., 35 vjeç, banues në Zejmen dhe P.(L). P., 32 vjeç, banues në Manati.
Këta dy shtetas ishin shpallur në kërkim pasi Gjykata e Shkallës së Parë të Juridiksionit të Përgjithshëm Lezhë, ka caktuar ndaj tyre masën e sigurisë “Arrest në burg” për veprat penale “Goditje për shkak të detyrës” dhe “Plagosja e rëndë me dashje”, sepse më datë 25.01.2023, në Lezhë, kanë dhunuar fizikisht, për shkak të detyrës, shtetasin E. H., 32 vjeç, banues në Lezhë, me profesion gazetar, si dhe bashkëshorten e tij.
Materialet procedurale iu referuan Prokurorisë, për veprime të mëtejshme.
