Një organizatë kriminale e drejtuar kryesisht nga shqiptarë dhe me rrënjë prej kohësh në zonën e Ascolit është goditur nga policia italiane. Raportohet se grupi kriminal merrej me shpërndarje të sasive të mëdha të kokainës e hashashit që kryesisht i shisnin në provincat e Teramo, Pescara, Chieti, Romë dhe Napoli.
Sipas mediave italiane në pranga kanë rënë 12 persona italianë, shqiptarë dhe të huaj të tjerë.
Operacioni u krye në orët e para të ditës së sotme, në përfundim të një hetimi të gjatë ndaj 12 personave.
Policia mblodhi gjithashtu të dhëna serioze për ekzistencën e një organizate kriminale, e cila merrte drogë dhe e shiste në qendrat e Marche, Abruzzo, Campania dhe Lazio.
g.kosovari
