Kapen në një lokal nate dhjetë punëtore ilegale nga Shqipëria dhe nga Serbia. Arrestimi i tyre është bërë gjatë një kontrolli të bërë në një lokal nate në lagjen Töss të qytetit Winterthur.
Policia ka arrestuar dhjetë punëtore në të zezë bashkë me dy punëdhënësit e tyre. Të gjitha punëtoret e përmendura janë nga Shqipëria dhe nga Serbia, siç shkruan topnews.ch dhe nuk kanë leje qëndrimi dhe pune në Zvicër.
Punëtoret e arrestuara punonin si “zonja animimi” dhe në shërbim. Siç bën të ditur Policia e Kantonit të Zyrihut, të gjitha ato bashkë i janë dorëzuar Prokurorisë Publike në Winterthur.
Ndërsa dy punëdhënësit, një zviceran 51-vjeçar dhe një bullgare 43-vjeçare do të përgjigjen para prokurorisë.
Albinfo/d.i.
