Deputeti i Partisë Socialiste, Plarent Ndreca, e cilësoi masë “ekstreme” arrestimin e kryebashkiakut Veliaj dhe shprehu habinë e tij për faktin që ndodhi vetëm pak kohë para zgjedhjeve.
I ftuar në “NOW”, Ndreca gjithashtu vlerësoi se ky veprim nuk përmbush kriteret e Kodit të Procedurës Penale për një funksionar të zgjedhur, siç është Veliaj, i cili ka marrë besimin e 161 mijë qytetarëve të Tiranës.
“Deklaratat e KLP-së dhe KLGJ-së mu dukën të papjekura dhe si viktimizim. Ata duhet të jenë të gatshëm për kritika dhe të mbajnë qëndrimin e tyre, pasi çdo ditë kemi kritika ndaj legjislativit dhe ekzekutivit”, tha Ndreca
