Policia e Shtetit ka reaguar publikisht për arrestimin e Ilir Metës sot.
Sipas komunikatës mësohet se kreu i PL ka shfaqur sjellje agresive duke kundërshtuar shoqërimin dhe duke fyer policët.
Ja çfarë thotë Policia për arrestimin e Metës te Kthesa e Kamzës:
Me detyrimin ndaj opinionit publik lidhur me mënyrën e shoqërimit të shtetasit I.M., sqarojmë se:
Policia e Shtetit ka marrë për ekzekutim vendimin e Gjykatës së Posaçme Kundër Krimit të Organizuar dhe Korrupsionit (GJKKO), me kërkesë të Prokurorisë së Posaçme për arrestimin e shtetasit I.M, 55 vjeç. Për zbatimin e këtij vendimi Policia e Shtetit ka marrë masa operacionale, sipas procedurave të parashikuara nga Rregullorja.
Rreth orës 13:15 minuta Policia e Shtetit ka marrë informacion dhe më pas ka konstatuar se në vendin e quajtur ‘Kthesa e Kamzës’, në zonën e Laprakës, shtetasi I.M po udhëtonte me një automjet në drejtim të Tiranës.
Në këtë moment është bërë ndalimi i automjetit dhe drejtuesi i grupit operacional i ka komunikuar shtetasit I.M, vendimin e gjykatës për masën e sigurisë “Arrest në burg” dhe i ka kërkuar të zbresë nga automjeti.
Shtetasi I.M. ka reaguar në mënyrë refuzuese dhe kundërshtuese dhe ka lëshuar fjalë fyese në drejtim të përfaqësuesve të Policisë dhe Drejtësisë.
Bazuar në procedurën e parashikuar nga Rregullorja, ai është nxjerrë nga automjeti dhe shoqëruar forcërisht.
Policia e Shtetit nënvizon se përdorimi i forcës për shoqërimin e subjektit u imponua nga kundërshtimi me forcë prej tij për zbatimin e vendimit të gjykatës që iu komunikua nga punonjësit e Policisë.
/a.r
Arrestimi pjesë përbërëse e ligjit …por arrestimi i kësaj natyre për një ish president është fyerje dhe poshtërim i dinjitetit shtetëror…Nuk po flas për njeriun me emrin Ilir,por për fytyrën kriminale të policisë së shtetit sot..
Reflekto z.ministër Hoxha,se Edi Rama do t’a bëjë nesër Ty këtë gjë..
Na nxorri ne në demonstratën e 21 janarit dhe vetë u fsheh në lokal…dru hëngrëm ne,u rrahën ne,në punë na shpërfytyruan ne…kurse atij(Edit) nuk i hyri gjë në këmbë dhe me votat tona që e bëmë kryeministër,na tmerron me gogolin e urisë…Kuptoje se çfarë dua të të them…Mos u bëj pjesë e së keqes: Berisha -Meta dhe Rama…Të lutem