Arrestimi i Haradinajt, Gjergj Bojaxhi: Kam bindjen që Franca do të korrigjojë gabimin

Lidhur me arrestimin e Ramush Haradinajt nga policia franceze, ka reaguar përmes një postimi në rrjetin social Facebook edhe Gjergj Bojaxhi, anëtar themelues i partisë “Sfida për Shqipërinë”.

Në deklaratën e tij, Bojaxhi kujton se z. Haradinaj është shpallur dy herë i pafajshëm në Gjykatën e Hagës.

“Z. Haradinaj është shpallur i pafajshëm në Gjykatën e Hagës. I pafajshëm edhe në apelin e Hagës. Kam bindjen që sistemi i drejtësisë franceze do të korrigjojë me shpejtësi gabimin e zbatimit të një urdhër arresti të skaduar në të gjitha kuptimet”, thotë Bojaxhi në deklaratën e tij.

Ramush Haradinaj është ndaluar nga policia franceze ditën e mërkurë mbi bazën e një urdhër arresti të Serbisë, ku pretendohen dyshime për krime lufte gjatë luftës në Kosovë. /a.m.