Ministri i Brendshëm Bledi Çuçi ka reaguar në lidhje me operacionin e SPAK dhe autoriteteve në Kosovë që çuan në arrestimin e 31 policëve në Morinë.
Ai ka përgëzuar AMP për arrestimet duke i konsideruar hetimet model për ndëshkimin e korrupsionit dhe shpërdorimit të detyrës.
Çuçi thekson se janë të vendosur për të pastruar Policinë e Shtetit nga punonjësit e korruptuar.
“Përgëzime Agjencisë së Mbikëqyrjes Policore (ish SHÇBA) për hetimin profesional që çoi në pranga dhjetra punonjës policie të Pikës Kufitare në Morinë.
Ishte një hetim model për ndëshkimin e korrupsionit dhe shpërdorimit të detyrës. Jemi të vendosur për të pastruar Policinë e Shtetit nga punonjësit e korruptuar, për të cilët s’ka vend në radhët e kësaj trupe”, shkruan ai.
/b.h
