Shërbimi për Çështjet e Brendshme dhe Ankesat pranë Minsitrisë së Brendshme arrestoi dy punonjës të komisariatit numër 3 në kryeqytet të cilët akuzohen për neglizhencë që çoi në arratisjen e një personi nga kkomisariati ndaluar ditën e sotme.
Sipas njoftimit zyrtar të Ministrisë së Brendshsme janë prangosur efektivët Arsela Hajdinaj me detyrë trup shërbimi dhe Bajram Elezi me detyrë ndihmës specialist dhe përgjegjës i dhomave të sigurisë.
Këta efektivë ishin përgjegjës për ruajtjen dhe mbikqyrjen e Bledar Zefit dhe tashmë do të përballen me akuzën e “shpërdorimit të detyrës”.
Zefi arriti të largohet në kohën kur doli nga dhoma e shoqërimit për nevoja personale, dhe falë neglizhencës së efektivëve të prangosur tashmë mundi të arratiset.
