Sa herë përmendet Gërdeci, ose më saktë përfshirja e djalit të ish-kryeministrit Berisha në biznesin vrasës, doktori e lë sallën e Kuvendit. S’e kapërdin dot mesa duket. Ose kur e “zënë” ngushtë dhe ja tregojnë librin për tragjedinë e Gërdecit të titulluar “Armët dhe Çunat”, të shkrimtarit amerikan Guy Lawson, ai tërbohet, siç bëri edhe sot ndaj deputetit socialist Taulant Balla. I cili i është zotuar se do i lexojë çdo të enjte nga një faqe të librit, i cili flet për përfshirjen e të birit, Shkëlzen Berisha në trafikun vrasës të armëve.
Sa më lart, deputeti socialist ka postuar në Facebook sot një fragment nga libri, siç dhe ka “premtuar” kundrejt doktorit.
Balla teksa publikon fragmentin nga libri, shkruan:
“Sali Berisha dhe i biri i tij Shkelzen Berisha ne tragjedine e Gerdecit
Shkrimtari amerikan Guy Laëson tregon perfshirjen babe dhe bir ne trafikun nderkombetar te armeve ne librin “ARMET DHE CUNAT”.
Lexoni historine qe te gjithe e dini.
Une do t’i lexoj Saliut cdo te enjte pjese nga ky liber.”, shkruan Balla në Facebook duke postuar fotot e mëposhtme.
Por, çfarë shkruhet në fragmentin e publikuar nga Balla sot?
Në këtë fragment tregohet momenti sjelljes arrogante të pushtetit të Shkëlzenit, asokohe me të atin kryeministër. Ishte pjesë e bandës që njihej si Familja, shkruan shkrimtari, teksa përshkruan momentin e takimit të “sypeshkaqenit” të Berishës me blerësit amerikan të armëve.
Ja fragmenti:
“I veshur me pulovër dhe me kasketë bejsbolli në kokë, djali kishte flokë të zinj, lëkurë të lëmuar dhe sys i të akullt si të peshkaqenit.
Djali nuk u ngrit të njihej me amerikanët. Ishte Shkëlzen Berisha, djali i kryeministrit të Shqipërisë, do t’u thoshte më vonë Pinari.
Shkëlzeni ishte pjesë e asaj që në Shqipëri njihej si “FAMILJA”, grupi i lidhur fort dhe jashtëzakonisht i rrezikshëm që rrethonte kryeministrin Sali Berisha e që jetonte falë favoreve të tij.”
Është ky fragmenti i parë i publikuar, por që pritet të vijojë çdo të enjte. E nëse vërtetë vazhdon, do mësohemi ta shohim shumë pak doktorin në Kuvend. Sepse ai këtë pjesë të historisë së tij se përballon dot teksa ja citojnë.
LEXO.AL
