Izraeli sulmoi qytetin port të tyre në jug të Libanit të martën, duke vënë në rrezik armëpushimin e njoftuar me Iranin. Porti historik e po ashtu zona rezidenciale u goditën, dhe të paktën 8 persona thuhet të jenë vrarë. Një prej valëve më të rënda të bombardimeve që prej shpërthimit të luftës me Hazbollah në 2 mars, erdhi pasi për herë të parë IDF lëshoi një urdhër evakuimi për të gjithë qytetin.
Videot e xhiruara në një lagje të tyre tregojnë rrënoja godinash të shkatërruara, ndërsa ekipet e shpëtimit kërkojnë për të mbijetuar. Javën e kaluar ushtria Izraelite tha se militantë nga grupi I mbështetur prej iranit, Hezbollah po fshiheshin në zonë, pa ofruar prova për këtë.
Sulmet e reja ndaj libanit vijnë pasi Izraeli dhe Irani pranuan të ndalin shkëmbimet e zjarrit që u rikthyen pikërisht për shkak të fushatës izraelite në Liban. Teherani i ka bërë thirrje izraelit te ndale bombardimet ne Liban ose do të rinisë sulmet kundër tij.
Presidenti amerikan që po negocion një ujdi me Iranin i bëri thirrje palëve më herët të ndalin luftimet. Por Izraeli duket se ka vendosur ta sfidojë teksa po dërgon mesazhin se asnjë marrëveshje me Iranin nuk do të arrihet nëse kërkesat e shtetit hebre shpërfillen.
Në një intervistë telefonike për BBC presidenti Trump mohoi faktin se Benjamin Netanjahu e ka sfiduar duke urdhëruar aksionin ushtarak ndaj Iranit, duke thënë se po ti thotë të bëjë diçka, ai e bën. “Ajo që i kam thënë Netanjahut është duhet të tregohemi të arsyeshëm. Jemi pranë firmosjes së një marrëveshje, e cila është shumë e mirë”, thotë ai për BBC.
Ndërkohë, edhe përfaqësuesi i Iranit në OKB Saeed Iravani deklaroi se dy vendet po shkëmbejnë pikëpamje për një tekst përfundimtare, memorandum mirëkuptimi. Megjithatë një tjetër zyrtar Iranian thekson se nuk do të ketë asnjë ujdi me SHBA para heqjes se sanksioneve dhe zhbllokimit të aseteve të ngrira të Iranit.
