Policia e Tiranës ka vënë në pranga sot kryefamiljarin Sali Cerpja dhe tre djemtë e tij, pasi gjatë kontrollit të ushtruar në tre banesa të kësaj familje u gjetën dhe sekuestruan arsenal armësh dhe drogë.
Në kuadër të finalizimit me sukses të operacionit të koduar “Mëngjesi”, u arrestuan në orët e para të ditës së sotme nga efektivët e komisariatit numër 5 vëllezërit Osman, Selim dhe Arben Cerpja dhe babai i tyre Sali Cerpja.
Kjo pasi në banesat e tyre janë gjetur dhe sekuestruar rreth 111 bimë e dyshuar kanabis sativa me lartësi 40 cm, 100gr hashash, dhe arsenal armësh mes të cilave:
1 pistoletë Bereta,
1 armë gjahu teke,
1 pushkë
12 kallëpe tritoli, 200gr
700 kapsolla detonatori
aparat shpërthim detonatoreve elektrike si dhe rreth 500 fishek kalibër ndryshme
