Olta Gixhari, aktorja simpatike nga Durrësi pa dyshim kërkoi vëmendje në “Top Awards”.
Ajo u shfaq në tapetin e kuq e veshur me një fustan të veçantë, ndërsa menjëherë pasi pozoi për fotografët, u vu re nën shoqërinë e dy futbollistëve, Andi Lila dhe Armando Sadiku. Gixhari, si një vajzë çapkënë dhe e lirshme siç ajo shfaqet gjithmonë, nuk e ka kaluar rastin pa bërë disa selfie me futbollistët e ekipit tonë kombëtar që na dhuruan mjaft emocione në kampionatin europian.
Veçse Sadiku, ndryshe nga Gixhari, duket se nuk ishte edhe aq i dhënë pas “selfie-ve” ndaj është shkëputur në mënyrë demonstrative nga bukuroshja dhe Lila duke i lënë ata të pozojnë vetëm. Ky moment nuk është pritur mirë nga Olta, e cila në fakt, më shumë sesa për t’i dhënë rëndësi futbollistit, donte thjesht të bënte një selfie ku të dilte vetë mirë. Kjo, pasi aktorja bukuroshe nuk i dinte as emrin futbollistit që na dhuroi të vetmin gol në Francë, ku Shqipëria mori pjesë për herë të parë në Europian. Me largimin e dukshëm të Sadikut, Olta Gixhari ju drejtua Lilës, paksa e revoltuar për gjestin e tij: E si e ka emrin ky?!…ose ndoshta ishte kjo thjesht një mënyrë për t’i kthyer reston!
