Nuk kanë dhënë asnjë rezultat hetimet në lidhje me çimkën përgjuese të gjetur në zyrën e Ministrit të Brendshëm Saimir Tahiri në muajin Maj të vitit të shkuar. Prokuroria nuk ka arritur dot të identifikojë personin që ka vendoisur pajisjen përgjuese.
Në këtë situatë u vendos pezullimi i dosjes, deri në gjetjen e ndonjë prove që mund të çojë në zbulimin e autorëve të përgjimit.
Çimka u gjet në paradhomën e zyrës së ministrit, në tryezën e sekretares, pranë makinës grirëse të letrave. Ajo ishte fikur pasi i kishte mbaruar bateria ndërkohë nuk u gjet pajisja që merrte audio-përgjimet. Mësohet se kjo pajisje kryente përgjime ambientale.
Edhe pse prokuroria gjeti disa gjurmë gishtërinjsh dhe u morën në pyetje gjithë personat që kishin hyrë në ato ambjente, nuk u arrit të zbuloheshin personat përgjegjës.
Për herë të parë për gjetjen e saj, foli në Parlament publikisht aso kohe ish-kryeministri Sali Berisha. Ndëkrohë prokuroria nuk arriti të zbulojë personat që tentuan të ëprgjojnë ministrin Tahiri./a.m.
